قصيده بسيطه بس معناها جميل اوى والله

من طرف moon tears 2008-10-26, 10:49 pm

رحت النهاردة على الحسين...
نزلت قال... فى السيدة...
لا عرفت وقتى ...ولا رحت فين
الدنيا ليه زحمة كده
والشمس نار قسوة... ومرار
وكانها بتبعد ...مترين
واسال سؤال... حتة سؤال
ودة ودنه طين ...ودة عجين
لا طايلة ارض... ولا طايلة فرض
ولا عارفة يا ربى ...انا جيت منين
يا شعب مجدع... فى الهمة ابدع
وفى الشهامة...
... ليهم سلامين
مصر الامان... راح فين زمان
وفين يا ناس الكويسين...
انا تهت يابا ...وسط الغلابة
وعقلى تاه مع التايهين...
اكتب قصيدة... ولا عريضة
اكتبها فين؟... يقراها مين؟...
ادعى يا ربى... يا تفك كربى...
يا اما هافطس... وكده يبقى زين...
رحت النهاردة على الحسين

م
ن
ق
و
ل